Понедельник, 06 Март 2017 11:14

ЕкIуэлIапIэм и зэIущIэм щытепсэлъыхьащ Межсоборнэ Присутствием и проектхэм

Автор 
Прочитано 58 раз
 

2017 гъэм гъатхэпэм и 1-м, НэщI Иным и япэ тхьэмахуэм, литургие нэужьым, ЕкIуэлIаIпэм и зэIущIэр Исправнэ станицэм и Михаилоархангельскэ члисэм щекIуэкIащ. ЗэIущIэм и пэ къихуэу екIуэлIапIэм кIуэхэм захуигъэзащ Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евгений. Абы зэхыхьэм хэтхэм ягу къигъэкIыжащ екIуэлIапIэм и зэIущIэр щIрагъэкIуэкIыр икIи абы и лэжьыгъэм хыхьэу зытепсэлъыхьыну Iуэхугъуэхэр. ЕкIуэлIапIэм и зэIущIэм и унафэщI щоджэн Якушев Александр къызэхуэсахэм я пащхьэм къыщыпсэлъащ 2016 гъэм зэфIагъэкIа лэжьыгъэхэм теухуауэ. Зэхыхьэм и лэжьыгъэм хэтащ Иправненскэ къуажэм и Iэтащхьэ Брыкинэ Маринэ. Члисэм и унафэщI Ивановэ Маринэ и гъусэу, екIуэлIапIэм къэкIуахэм я упщIэхэм жэуап иратащ. Апхуэдэт члисэм газ екIуалIэу ящIыным ехьэлIа Iуэху зэIумыбзхэр. Станицэм и администрацэм и Iэтащхьэмрэ унафэщIымрэ екIуэлIапIэм кIуэхэр къагъэгугъащ члисэр гъэплъыным я зэфIэкI псори ирахьэлIэну. ЗэIущIэр щиухым, екIуэлIапIэм кIуэхэр тепсэлъыхьащ Урыс Чристэн Члисэм и Межсоборнэ Присутствием и «Акафист в молитвенной жизни Церкви» и «Профессии, совместимые и не совместимые со священством» проектхэм я тхылъхэм.

Авторизуйтесь, чтобы получить возможность оставлять комментарии