Пятница, 17 Февраль 2017 06:05

Нарсанада, новомучениклени джигитлигине атаб конференция бардырдыла.

Автор 
Прочитано 52 раз
 

Быйыл февраль айны 13-де курорт-шахарда Никольский клисаны музейинде «1917-2017:уроки столетия», дегеннге аталыб конференция болуб етдю. Бу мероприятияны Нарсана округну благочиниясыны къурагъанды. Муну баш нюзюрю- Орус Православ Клисаны новомучениклени этген джигитликлерин терен ангылауду. Форумгъа ,Нарсана клиса округну приходларыны джуаблы динчиси протоирей Знаменский Иоанн, канонизациядан епархия комиссияны тамадасы Успен Вторафон монастырны джуаблы динчиси (Казаков) Елевферий, Нарсана бла Пятигорск благочинияны динчилери, Нарсана шахарны администрациясында билим берген управленияны тамадасыны орнун толтургъан Бутин Юрий, шахар администрацияны культура комитетини председатели Сквиренко Инна, школланы, техникумланы, китабханаланы директорлары, билим берген учрежденияланы устазлары бла къуллукъчулары, Рождество окъуулагъа къошулгъанла,  кеб профилли техникумну студентлери, Православ Свято-Никольский гимназияны сохталары къошулдула. Конференцияны аллы бла Свято-Никольский клисада Орус Православ Клисаны новомученик шыйыхларына аталыб Дин къуллукъ бардырылды. Дин къуллукъгъа, Пятигорске бла Черкесскени архиепископу Феофилакт этди. Къуллукъдан сора Владыка православ динчиле бла бирге иеросхимонах 9Игнатенко)Стефан асыралгъан джерде джаназы дуа окъуду. Андан сора маулут ашдан ауузландыла. Аны ызы бла форум ишин башлады. Никольский клисаны музейинде конференцияны келечилери «Правящие архиереи Пятигорской епархии, пострадавшие за Христа в годы гонений на Святую Православную Церковь», деген экспозиция бла шагърей болдула. Джыйылыуну протоирей Знаменский Иоанн ачды. Ол конференцияны келечилери бла къонакълагъа хошкелди сезню айтыб андан сора да Орус Клисаны эмда къралны новомученик шыйыхнланы джигитликлерини магъаналыгъын чертди. Андан сора келгенлени аллында , гимназияны сохталары «Эхо истории: Русская Голгофа XX века» деген тарих- литература композиция кергюздюле. Иеромонах (Казаков) Елевферий кесини докладында, Пятигорске бла Черкесск епархияны шыйых дараджагъа тюшген бла тюшмеген новомучениклени юсюнден айтды. Протоирей Моничев Димитрий, православ динчи, дин акъылман, алим эмда поэт протоирей Флоренский Павелни джашауу бла джазгъан ишлеринден хапар айтды. Протоирей Акименко Сергий, биринчи архиерей, Пятигоррск кафедрагъа башчылыкъ священномученик (Успенский) Фаддейни юсюнден хапар айтды. Конференцияны келечилерине, аны дин сый кесеги болгъан иконасына табын этерге мадар болгъан эди. МБОУ 19-чу номерли гимназиясыны устазлары Хачанова Нонна бла Пискунова Любовь, шахарны окъуу заведенияларында Орус Клисаны новомучениклерини джигитликлерин мийик дараджагъа чыгъарыргъа керекди деб доклад этдиле. Андан сора да, свящкенномученик (Спенский) Фаддейге аталыб, Пятигорске бла Черкесскени архиепископу Феофилактны ауз бергени джазылгъан видеогъа къарадыла. Конференцияны аягъында , Нарсана шахарны администрациясында билим берген управленияны тамадасыны орнун толтургъан Бутин Юрий бла шахар администрацияны культура комитетини председатели Сквиренко Инна, бу мероприятияны къурагъанлагъа уллу разылыкъларын билдирдиле. Форумгъа къошулгъанлагъа чачылгъан материалла: иеросхимонах (Игнатенко) Стефанны джашау джолун суратлагъан китаб, «Благославенный Кавказ» деген журнал, «Православные храмы Кисловодска» деген буклет бла электрон халда джазылыб Пятигорск епархияны новомучениклерини юсюнден къысха киноланы бердиле.

Авторизуйтесь, чтобы получить возможность оставлять комментарии