Суббота, 28 Январь 2017 17:55

Къэзакъхэм я фэеплъ махуэм ирихьэлIэу тхьэлъэIухэр ирагъэкIуэкIащ

Автор 
Прочитано 54 раз
 

2017 гъэм щIышылэм и 24-м, къэзакъхэм я лъэпкъ гъэкIуэдым зэрыщIидзэрэ илъэс 98-рэ щрикъум ирихьэлIэу, Котляревскэ станицэм и Покров члисэм и унафэщI щоджэн Барышев Алексий къэзакъхэм я фэеплъым деж тхьэлъэIу щригъэкIуэкIащ. Абы хэтащ: станицэм и атаман Скляров Дмитрий, станицэм и администрацэм и лIыкIуэхэр, «Движение юных патриотов» клубым и гъэсэнхэр, я унафэщI Строев Алексей ящIыгъуу. ТхьэлъэIу нэужьым фэеплъым удз гъэгъахэр тралъхьащ. А махуэм Зеленчукскэ станицэм хэкIуэда къэзакъхэм я фэеплъым деж щыгъуэ пэкIу щекIуэкIащ. Абы щIидзэным и пэ къихуэу, Ипщэ Къэрэшей-Шэрджэс члисэ округым и екIуэлIапIэхэм я благочиннэ щоджэн нэхъыжь Субтельный Евгений тхьэлъэIу иригъэкIуэкIащ, а зэманым хэкIуэда къэзакъхэм папщIэ. ПэкIум хэтащ Зеленчукскэ станицэм и курыт еджапIэхэм я еджакIуэхэр, я адэжьхэм я фэеплъхэм я хъумакIуэхэм зыхуагъэзащ къызэхуэсахэм, тхыдэ щIэныгъэ уиIэным и мыхьэнэр къыхагъэщу.

Авторизуйтесь, чтобы получить возможность оставлять комментарии