Пятница, 16 Декабрь 2016 07:40

Духовнэ щэнхабзэмкIэ пшыхьыр траухуащ зэхакъута члисэр илъэсищэ зэрырикъум

Автор 
Прочитано 72 раз
 

2016 гъэм дыгъэгъазэм и 6-м илъэсищэ ирикъуащ апостолхэу Петррэ Павелрэ я цIэр зезыхьэу Новопавловскэ къалэм дэт члисэр зэрагъэнэхурэ. Абы траухуащ духовнэ щэнхабзэмкIэ "Величие храма - величие души" пшыхьыр. Ар къызэрагъэпэщащ къалэ библиотекэм, Новопавловск и тхыдэ-лъахэхутэ музейм, Петропавловскэ члисэм и екIуэлIапIэм. Апостолхэу Пётррэ Павелрэ я цIэр зезыхьэ члисэм Новопавловскэ станицэр игъэдэхащ. Члисэр япэу ягъэнэхуащ 1916 гъэм дыгъэгъазэм и 6-м. Къулыкъур иригъэкIуэкIащ щихънагъ Успенский Фаддей, Владикавказскэ епархиер пIалъэкIэ зезыгъакIуэм. Музейм и унафэщI Крашенниковэ Надеждэ тепсэлъыхьащ къалэм и мывэ ухуэныгъэм и тхыдэм: «Петропавловскэ члисэм еплъ дэтхэнэми игъэщIагъуэрт абы и инагъыр, и стилыр, лэжьыгъэхэр гъэщIэгъуэну зэращIам. Нэхъыжьхэм зэрыжаIэмкIэ, абы и куполхэр Георгиевск ущыIэу плъагъурт, уэзджынэр щIыпIэ жыжьэкIэ уIукIуэтауэ зэхэпхырт, абы и лъагагъыр метр 51-м щIигъурт». Библиотекэм и сабий къудамэм и унафэщI Матвейчук Еленэ къытеувыIащ Петропавловскэ члисэм и унафэщI щоджэн Булгаков Иоаким и кIуэдыкIам, совет властым и зэманым щыIа репрессием зэрыхиубыдам. Члисэр зэрагъэнэхурэ илъэси 100 щрикъум ирихьэлIэу къызэрагъэпэщащ «Свет Православия» гъэлъэгъуэныгъэр. Абы хагъэхьащ Петропавловскэ члисэм и сурэтыжьхэр, члисэ-екIуэлIапIэ школыр, министрхэмрэ екIуэлIапIэм кIуэхэмрэ я училищэр, XIX лIэщIыгъуэм къыдэкIа члисэ тхылъхэр. Щапхъэу къалъыта «Станичники» ансамбль Ковальчук Иван зэригъакIуэм уэрэд зыбжанэ игъэзэщIащ. Абыхэм ящыщ «Крепость Православная» уэрэдыр къалэм теухуащ. Апостолхэу Пётррэ Павелрэ я цIэр зезыхьэ члисэм и иджырей унафэщI щоджэн Цапко Владислав къызэхуэсахэм ехъуэхъуащ члисэр зэрагъэнэхурэ илъэси 100 зэрырикъумкIэ. Ар къилъытащ къалэм и тхыдэм и дежкIэ мыхьэнэшхуэ зиIэу. Ар къытеувыIащ Тхьэм папщIэ бэлыхь куэд зрагъэшэча Фаддей и цIэр зезыхьэ члисэмрэ станицэм и чристэн къэзакъхэмрэ я гъащIэр зэхэухуэна зэрыхъуам. Зэхакъута члисэр къызэдгъэпэщыжурэ абы и тхыдэм пыдощэ.

Авторизуйтесь, чтобы получить возможность оставлять комментарии