Суворовка чтансени къазакълары Къазан клисаны джангыдан ишлеуню юсюнден селешдиле

Быйыл март айны 10-да Прощеное воскресенье кюн, Суворовка станседе , къазакъ джамагъатны отчет джыйылыуу болуб етдю. Анга 215 къазакъ къошулгъан эди. Ала станседе къазакъланы джашаудары бла байламлы тюрлю-тюрлю сорууланысюздюле. Ол сорууланы бири эм магъаналы эди, ол Къазан клисаны джангыдан ишлеудю. Эсге салсакъ,къаты совет джыллада чачылгъан Къазан клисаны фундаментин ачыу бла аны бегитиу ишле быйыл январны 19-да башланнгандыла.
***
Краевед Романов Владимир айтхандан, беш башы болгъан Къазан клиса Суворовка станседе 1900 джыл ишленнгенди. Бу клисагъа православ диндеча нюр салгъан  адетни ноябрны 4-де 1902-чи джыл Масихни Анасыны Къазан иконасына сывй берген кюн , православ динчи Белоусов Матвей этген эди. Клисаны къабыргъалары ала-къызыл бетли эдиле, башында алтын куполлары бла къачлары болгъанды. Клиса стансени къайсы бир джеринден къараб керюне эди.  Шыйыхланы канонизация этген епархия комиссия билдиргенден , Къазан клисада ахыр дин къуллукъ 1903-чю джыл октябрь айда болгъанды. Аны артдан ат орунча, мюрзеу складча хайырландыргъандыла. 1935-чи джыл Суворовский район совет джашыртын клисаны чачаргъа деген бегшим алады. Ала алдауукъ бла хар кимден къол ызла джыйгъандыла клисаны чачар ючюн.

Просмотров: 367

Поделиться

VK:39834