Гимназияда класс сагъатланы Сталинград урушха атадыла

Быйыл февраль айны 4-де Черкесскени Свято-Сергий гимназиясыеы классларында , Сталинград урушха аталыб класс сагъатла бардырылдыла. Биринчи классны сохталары, совет солдатланы Сталинградчыланы унутулмазлыкъ джигитликлерини юсюнден видеороликлеге къарадыла. Дерсни кезюуюнде сохтала, устазлары бла эмда отрядны куратору бла бирге , Уллу Ата Джурт къазауатда эм белгили кюнлени айырыб открыткала джарашдырдыла. 2-чи классны сохталары да, неге да къарамай, джанларын аямау бизге хорлам келтирген джигитлени суратларын салдыла. Алагъа сый бере бир минутну шошлукъ тутдула. 3-чю классда сабийле , сермешлени: къоруулау бла чабыуул этапларын сюздюле. Совет Союз бла немча армияны кючлерин тенглешдирдиле. 64-чю бла 62-чи армияланы командующийлери генерал-полковник Шумилов М.С. бла маршал Чуйков В.И атларын да билдиле. Белгили Пввловну юйюню юсюнден да селешдиле. Кеслерини оюмларын баргъан айлыкъда къурагъан дневниклерине джаздыла. 4-чю классны сохталары да «Сталинградская битва» деген музей панорамагъа заочно джолоучулукъ къурадыла. Бу комплексге тарих эсгертме киреди: "Руины мельницы Грудинина " деген Волжский аскер тенгиз флотилияны аскерчилерине эсгертме, Сталинградны тюз джамагъатына эсгертме, белгили аскер башчылы Г.К Жуков бла В.И. Чуйковну эсгертмелери, 1942-чи джыл ноябрны 19-да совет аскерни къоруулау ал сызыны белгиси танканы башнясы. Сохтала елген
джигитлени сыйларына атаб назмула окъудула, классда "Славной Родиной горжусь я!", деген ат бла къазауатны кезюуюнде болгъан аскер техниканы кермючюн да къурадыла.

Просмотров: 175

Поделиться

VK:39834