Архиепископ Феофилакт хэтащ Татарстан митрополием и гуфIэгъуэ зэхыхьэхэм

2018 гъэм пщыхьэщхьэм, Тхьэм и Анэм и Къэзан тхьэнапэм и пэ къихуэу, Москварэ Урысеймрэ 1612 гъэм полякхэр щыдахужам и фэеплъыр щагъэлъапIэм ирихьэлIэу, Татарстаным и Казанскэ-Богородицкэ цIыхухъу къулъшырыфым лъапIэныгъэм теухуа гуфIэгъуэ зэхыхьэхэр ирагъэжьащ.
ТхьэлъэIур ирагъэкIуэкIащ Казанскрэ Татарстанскрэ я митрополит Феофан, Москва и духовнэ академием и ректор, Верейск и архиепископ Амвросий, Псыхуабэ, Черкесск щIыналъэхэм я архиепископ Феофилакт, Магнитогорскрэ Верхнеуральскрэ я епископ Иннокентий.
Пастыр нэхъыщхьэхэм къулыкъур драгъэкIуэкIащ Казанскэ-Богородицкэ цIыхухъу къулъшырыфым и игумен Марк (Виленский), Казанскэ епархием и управленэм и секретарь щоджэн нэхъыжь Самойленкэ Владимир, Казань къалэм и Богоявленскэ члисэ зэхуэхьэсам и унафэщI Державин Алексей, архиерейхэм ящIыгъу клирикхэм, щоджэнхэм.
Пщыхьэщхьэ тхьэлъэIум хыхьэу Казань и члисэхэм екIуэлIахэмрэ щIыналъэ лъапIэм Тхьэ елъIэуну кIуахэмрэ Тхьэ щелъэIуащ.
Уэрэдхэр жаIащ Рогов Денис зэригъакIуэ цIыхухъу хорымрэ монахиня Амвросийрэ (Кочережкинэ) зэригъакIуэмрэ. МДА-м и ректор щихънагъым тхьэлъэIу къулыкъур иригъэкIуэкIащ. Полиелей къулыкъур иригъэкIуэкIащ Тхьэм и Анэм и Казанскэ тхьэнапэм деж. Каноным къеджащ архиепископ Феофилактрэ епископ Иннокентийрэ.
Махуэшхуэ тхьэлъэIу нэужьым митрополит Феофан гуфIэгъуэм къэкIуа пастыр нэхъыщхьэхэм фIэхъус ярихащ икIи махуэшхуэмкIэ ехъуэхъуащ. ИужькIэ Татарстан митрополием и Iэтащхьэр фIэщхъуныгъэ зиIэхэм пастыр нэхъыщхьэм и псалъэкIэ захуигъэзащ.
2018 гъэм щэкIуэгъуэм и 4-м, ЦIыхубэ зэкъуэтыныгъэм и махуэм, Казань къалэм тхьэлъэIухэр щекIуэкIащ Тхьэм и Анэм и Къэзан тхьэнапэр гъэлъэпIэным и щIыхькIэ, Москварэ Урысеймрэ полякхэр 1612 гъэм зэрыдахужам и фэеплъу.
Казань Кремлым и Благовещенскэ члисэ зэхуэхьэсам и тхьэлъэIу литургиер ирагъэкIуэкIащ Казанскрэ Татарстанскрэ я митрополит Феофан, Москва и Духовнэ академием и ректор, Верейск и архиепископ Амвросий, Псыхуабэ, Черкесск епархием и архиепископ Феофилакт, Магнитогорскрэ Верхнеуральскрэ я епископ Иннокентий, Аьметьевскрэ Бугульминскрэ я епископ Мефодий, Чистопольскрэ Нижнекамскрэ я епископ Парменрэ.
Казанскэ-Богородицкэ цIыхухъу къулъшырыфым и тхьэлъэIум къагъэхьащ Къэзан тхьэнапэр.
Пастыр нэхъыщхьэхэм къулыкъур драгъэкIуэкIащ Къэзан епархием и къулъшырыфхэм я унафэщIхэм, Татарстан митрополием и епархием и благочиннэхэм, Казань и члисэхэм я унафэщIхэм, архиерейхэм я гъусэ щоджэнхэм.
Литургие уэрэдхэр жаIащ Рогов Денис зригъакIуэ архиерей цIыхухъу хорымрэ Къэзан духовнэ семинарием и хор Архиповэ Вероникэ зригъакIуэмрэ. ТхьэлъэIум хэтащ митрополием и монаххэр, Къэзан духовнэ семинарием и гъэсэнхэр, гуапагъэ зыщIэ шыпхъухэр, Урысейм и щIыпIэ зэмылIэужьыгъуэхэм къикIыу щIыналъэ лъапIэм къэкIуахэр.

Iуэхур къызэгъэпэщыным хэтащ къэзакъхэр, «Казанские православные добровольцы», щIалэгъуалэ зэгухьэныгъэм хэтхэр, республикэ МВД-м и лэжьакIуэхэр.
Литургие нэужьым зэгъусэ тхьэлъэIу екIуэкIащ Къэзан тхьэнапэр яIыгъыу. Пастыр нэхъыщхьэхэр, щоджэнхэр, фIэщхъуныгъэ зиIэхэр Къэзан кремлым Благовещенскэ члисэ зэхуэхьэсам щыщIадзэри Казанскэ-Богородицкэ цIыхухъу къулшырыфым нэс кIуащ. Тхьэм и Анэм и тхьэнапэм деж къызэрысу махуэшхуэ тхьэлъэIу ирагъэкIуэкIащ.
Татарстан митрополием и Iэтащхьэм гуфIэгъуэ зэхыхьэм хэтхэм пастыр нэхъыщхьэм и псалъэкIэ захуигъэзащ.

Просмотров: 564

Поделиться