Нарсананы гимназиячылары устазларын алгъышладыла

Быйыл октябрь айны 5-де Православ Свято-Никольский гимназияны сохталары кеслерини устазларын санагъат байрвамлары бла алгъышладыла. Эртденбладан сабийле сюйген устазларына гокга хансла бла тюбеб разылыкъ сезле да айтдыла. Бютеу устазланы суратлары да салыныб бу къуанчха аталгъан стенгазетада , сохтала хазырлагъан алгъышла бла суратлары салыннгандыла. Дерследен сора \, сохталаны ата-аналары да устазланы да чакъырыб уллу концерт болуб етдю. Байрамны аллын ача гимназияны директору протоирей Знаменский Иоанн, бу гимназияны учредители Пятигорске бла Черкесскени архиепископу Феофилактны разылыгъын айтыб, Владыканы устазлагъа ийген алгъышлауун окъуду: « Устаз-ол акъыл бериучюдю, билимлиликни, тюзлюкню юлгюсюдю. Кесини мийик къуллугъу бла устаз- есюб келген джаш телюню адеблилигин , джашауда тюз джолну табаргъа юретирге борчлуду…» Гимназиячыла, классны тышында ишледен директорну орунбасары Синявская Татьяна бла клиса джырдан устаз Игнатенко Еленаны башчылыкълары бла , джырла бла назмула бла тебсеуле бла школ джашаудан сценкала бла концерт къурагъан эдиле. Сохтала сюйген устазларына творчество номерлерин саугъа этдиле, аланы юсю бла ала кеслерини разылыкъларын билдирдиле. Концертге дагъыда, сыйлы къонакъ, саулукълу джашауну пропагандасыны джаны бла Тверде джамагъат организацияны председатели, поэт, джрчы, композитор Щербаков Павел да къошулгъан эди. Устаз коллекьтивге кесини алгъыш сезюн, гимназиягъа осуй этиб тургъан Торгалла Алла да айтды. Гимназияны директору да анга гимназиягъа хаман да къайгъырыб тургъаны ючюн разылыгъын билдириб Николай шыйыхны скульптурасын саугъа этди. Байрамны адетдеча бары да тебсиде олтуруб чай ичиб тамамладыла.

Просмотров: 212

Поделиться