Архиепископ Феофилакт зэIущIэм къыщыпсэлъащ

2018 гъэм бадзэуэгъуэм и 2-м Москварэ Урысей псомрэ я Патриарх Кирилл и арэзыныгъэкIэ Санкт-Петербург и Воскресенскэ Новодевичье цIыхубз къулъшырыфым щрагъэкIуэкI «Добродетель послушания в современных монастырях: практические аспекты» зэIущIэр.

ЗэIущIэм и япэ махуэм Президиумым хагъэхьащ: Сергиево-Посадск и архиепископ Феогност, Урыс Чристэн Члисэм къулъшырыфхэмрэ монаххэмкIэ Синод къудамэм и унафэщI, Свято-Троицкэ Сергиевэ лаврым и унафэщIыр; Смоленскрэ Дорогобужскрэ я митрополит Исидор; Псыхуабэ, Черкесск щIыналъэхэм я архиепископ Феофилакт; Касимовскрэ Сасовскрэ я епископ Дионисий.
ЗэIущIэр къыщызэIуихым, Сергиевэ-Посадск и архиепископ Феогност зэIущIэм хэтхэм Москварэ Урысей псомрэ я Патриарх Кирилл и хъуэхъур ялъигъэIэсащ, Петербургскрэ Ладожскрэ я митрополит Варсонофийрэ Воскресенскэ Новодевичье къулъшырыфым и унафэщI игумение Софиярэ (Силинэ) монаххэм Севернэ къалащхьэм щызэIущIэну Iэмал зэраритам папщIэ, къызэхуэсахэм лэжьыгъэ щхьэпэ яIэну ехъуэхъуащ. АдэкIэ зэхыхьэм хэтхэм «Послушание – дыхание монаха» секцэм и докладхэм къеджащ. Псыхуабэ, Черкесск щIыналъэхэм я архиепископ Феофилакт и къэпсэлъэныгъэр «Добродетель послушания и стяжание внутренней молитвы» трихуэным и пэ къихуэу зэIущIэр къызэзыгъэпэщахэм яхуэгъэза фIыщIэкIэ иригъэжьащ, совет зэманым зэпыуа духовнэ хабзэхэр къагъэщIэрэщIэжыну монаххэм Iэмал зэраIэр.
ЗэIущIэм и лэжьыгъэм и етIуанэ Iыхьэ «Что такое жизнь в послушании» зи псалъащхьэм (щихъхэм я гъащIэр зи щапхъэ къэпсэлъэныгъэхэр), зэхыхьэм хэтхэр Почаевск и митрополит Владимир и къэпсэлъэныгъэм едэIуащ, Свято- Успенскэ Почаевскэ лаврым и унафэщIым; щоджэн нэхъыжь Чесноков Александр, Краснодар къалэм Екатериноградскрэ Кубанск епархиемрэ я щихъ Николай и цIэр зезыхьэ члисэм и клирикыр; иеромонах Рафаил (Янкевич), Санкт-Петербург и Спасо-Преображенскэ Валаамскэ ставропигиальнэ цIыхухъу къулъшырыфым и унафэщIыр; игумение Филарет (Калачевэ), Пюхтицкэ Успенскэ ставропигиальнэ цIыхубз къулъшырыф Эстонием щыIэм и унафэщIыр; игумение Елисаветэ (Евдокимовэ), Осташковэ къалэм и Тверскэ, Кашинскэ епархием и Богородицкэ Житеннэ цIыхубз къулъшырыфым и унафэщIым. Доклад зыщIхэм ягу къагъэкIыжащ я гукъэкIыжхэр.
ЗэIущIэ нэужьым абы хэтахэм папщIэ Кронштадт зекIуэ къызэрагъэпэщащ, щихъ Кронштадский Иоанн и фэеплъ фэтэрым кIуащ. Архиепископ Феофилакт и арэзыныгъэкIэ зэIущIэм хэтащ Синод къудамэм хэт, Георгиевскэ цIыхубз къулъшырыфым и унафэщI игумение Варварэ (Шурыгинэ).

Просмотров: 724

Поделиться