Архиепископ Феофилакт блаженнэ Ксение и приделым литургие щригъэкIуэкIащ

2018 гъэм мэкъуауэгъуэм и 6-м, блаженнэ Петербургская Ксение дунейм зэрехыжрэ илъэс 30 щрикъум, Псыхуабэ, Черкесск щIыналъэхэм я Феофилакт тхьэлъэIу литургие щригъэкIуэкIащ Кисловодск и Пантелеимоновскэ члисэм  блаженнэ Петербургская Ксение и приделым. Щоджэн нэхъыщхьэм къулыкъур драгъэкIуэкIащ епархием и административнэ секретариатым и унафэщI щоджэн Яковенкэ Илия, Кисловодск члисэ округым и екIуэлIапIэхэм я щоджэнхэм благочиннэ щоджэн нэхъыжь Знаменский Иоанн я пашэу, епархием и нэгъуэщI округхэм я щоджэнхэр хыхьэу. Къардэн къулыкъур иригъэкIуэкIащ щоджэн нэхъыжь Кубэ Димитрий. ТхьэлъэIу литургие нэужьым Пастыр нэхъыщхьэм фIэщхъуныгъэ зиIэхэм узэщIыныгъэкIэ захуигъэзащ икIи блаженнэ Ксение игъэлъэпIащ. Члисэм тыгъэ хуащIащ Годеновэ Жорым и теплъэм и копие
щагъэувар. ЛъапIэныгъэр апостол пэлъытэ джыназ Ольгэ и цIэр зезыхьэ зэгухьэныгъэ Москва щыIэм хэтхэм члисэм тыгъэ хуащIащ. Нэхъыбэу псапэр къызыбгъэдэкIар Воробьевэ Любовьрэ Сивец Светланэрэщ. Щихънагъым абыхэм фIыщIэ яхуищIащ икIи гугъэ ищIащ лъапIэныгъэщIэм деж щрагъэкIуэкIыну тхьэлъэIухэр Тхьэм зэхихыну.

Просмотров: 501

Поделиться