Архиепископ Феофилакт ягу къигъэкIыжащ цIыхум и къалэныр

2018 гъэм накъыгъэм и 8-м Псыхуабэ, Черкесск щIыналъэхэм я архиепископ Феофилакт тхьэлъэIу литургие щригъэкIуэкIащ Псыхуабэ епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ епархием и Административнэ секретариатым и унафэщI щоджэн Яковенкэ Илиярэ къардэн Ендовицкий Сергийрэ. Пастыр нрэхъыщхьэм и гъусэу Тхьэ елъэIуну къызэхуэсащ епархием и управленэм и лэжьакIуэхэмрэ Псыхуабэ щыпсэухэмрэ. ТхьэлъэIу нэужьым щихънагъым фIэщхъуныгъэ зиIэхэм узэщIыныгъэкIэ захуигъэзащ, цIыхум и къалэным теухуауэ.
ИужькIэ Лермонтовэ къалэм Архиепископ Феофилактрэ «Бора-мебель» IуэхущIапIэм и лэжьакIуэхэмрэ щызэIущIащ. IуэхущIапIэм и генеральнэ унафэщI Боровинская Ларисэ зэпымыууэ епархием доIэпрыкъу Хъуромэ къеджэныгъэхэр иригъэкIуэкIынымкIэ. Пастыр нэхъыщхьэм IуэхущIапIэр къазэрыдэлажьэм папщIэ Ларисэ тыгъэ хуищIащ Патриаршествэр зэрызэфIагъэувэжрэ илъэси 100 зэрырикъум и щIыхь медалыр.
А махуэ дыдэм архиепископ Феофилакт Ставрополь крайм и муфтий Рахимов Мухьэммэд-хьэжы иригъэблагъэри, Псыхуабэ и мэжджытым щыIащ. Муфтийм хьэщIэм Кавказым ис лъэпкъхэм я Щэнхабзэ центрым, мэжджытым зыщригъэплъыхьащ. Апхуэдэу Ставрополь муфтийм и лэжьыгъэм хигъэгъуэзащ. Пастыр нэхъыщхьэр мэжджытым и дахагъэм итхьэкъуащ, псом хуэмыдэу тхьэлъэIу пэшым и купелым.
Дин лэжьакIуэхэр щызэпсалъэм къыхагъэщащ чристэнхэмрэ муслъымэнхэмрэ я лъапIэныгъэхэр зэрызэхуэдэр, я фIэщхъуныгъэмрэ унагъуэ быдэмрэ абы зэралъабжьэр. Мэжджытым зэрыкIуар шей ефэу зэхуащIыжащ. Ахэр лъэпкъхэр динкIэ зэщхьэщыкIми къызэрызэдекIуэкIым тепсэлъыхьащ.

Просмотров: 571

Поделиться