Спасскэ члисэ зэхуэхьэсам и волонтёрхэр щIыналъэ лъапIэм Тхьэ елъэIуну кIуащ

2018 гъэм накъыгъэм и 5-м Псыхуабэ и Спасскэ кафедральнэ члисэ зэхуэхьэсам и волонтёрхэр Ставрополь къалэм и лъапIэныгъэхэм щыIащ. Абы и пашэу щытащ члисэ зэхуэхьэсам и унафэщI щоджэн Мовчанов Дмитрий. Гупым я гъусащ волонтёр гупым я унафэщI къардэн Ендовицкий Сергий. ЩIыналъэ лъапIэм Тхьэ елъэIуну кIуахэр Тхьэм и Анэм и Къэзан тхьэнапэм и цIэр зезыхьэ кафедральнэ члисэ зэхуэхьэсамрэ апостол Первозванный Андрейрэ, Преображения, блаженнэ Петербургская Ксения, щихъ Саровский Серафим сымэ я цIэр зезыхьэ члисэхэм, Иоанно-Мариинскэ цIыхубз къулъшырыфым, нэгъуэщIхэми щыIащ.
Зэхыхьэр щызэхуащIыжащ Тхьэм и Анэм и «Всех скорбящих Радость» цIыхухъу къулъшырыфым. ЩIыналъэ лъапIэм кIуахэр пщыхьэщхьэ тхьэлъэIум Тхьэ щелъэIуащ. ИужькIэ къулъшырыфым и игумен Афанасий щIыналъэ лъапIэм кIуахэр пщыхьэщхьэшхэ иригъэблэгъащ.

Просмотров: 307

Поделиться