Щихънагъ нэхъыщхьэ Феофилакт адэ-анэхэм я щэбэт тхьэлъэIур иригъэкIуэкIащ

2018 гъэм мазаем и 10-м Псыхуабэ, Черкесск щIыналъэхэм я щихънагъ нэхъыщхьэ Феофилакт иригъэкIуэкIащ адэ-анэхэм лыхэкI щамышх щэбэт тхьэлъэIур. ЕссэнтIыгу и Петропавловскэ члисэм и тхьэлъэIу литургием щоджэн нэхъыжьым къулыкъур щыдрагъэкIуэкIащ ЕссэнтIыгу члисэ округым и екIуэлIапIэхэм я благочиннэ щоджэн нэхъыжь Еланцев Сергий, Петропавловскэ члисэм и унафэщI щоджэн Гриценкэ Виталий, члисэм и клирик Мартыненкэ Максим, къардэн нэхъыжь Кубэ Димитрий. Пастыр нэхъыщхьэм и гъусэу тхьэлъэIум хэтыну къызэхуэсащ тхьэмахуэ школым и гъэсэнхэр, къалэдэсхэр, алыдж зэгухьэныгъэм и лIыкIуэхэр.
Литургие нэужьым щихънагъым фIэщхъуныгъэ зиIэхэм захуигъэзащ икIи дунейм ехыжа чристэнхэм папщIэ Тхьэ елъэуащ. ТхьэлъэIу нэужьым Щоджэн нэхъыжьым екIуэлIапIэм кIуэхэм епсэлъащ.
А махуэм и пщыхьэщхьэм щихънагъ Феофилакт тхьэмахуэ тхьэлъэIур щригъэкIуэкIащ Псыхуабэ и Спасскэ кафедральнэ члисэ зэхуэхьэсам. Щоджэн нэхъыжьым къулыкъур драгъэкIуэкIащ члисэ зэхуэхьэсам и клирикхэм. 

Щихънагъыр къеджащ тхьэмахуэ Инджылым икIи фIэщхъуныгъэ зиIэхэм гъэнэхуа дагъэ ящихуащ.

Просмотров: 957

Поделиться