Щихънагъ нэхъыщхьэ Феофилакт тхьэлъэIум хыхьэу игу къигъэкIыжащ Петербургская Ксение

2018 гъэм мазаем и 6-м щихънагъ Феофилакт тхьэлъэIу литургие щригъэкIуэкIащ Кисловодск и Пантелеимоновскэ члисэм Петербургская Ксение и приделым. Щоджэн нэхъыщхьэм къулыкъур драгъэкIуэкIащ: епархием и Административнэ секретариатым и унафэщI щоджэн Яковенкэ Илия, Кисловодск члисэ округым и екIуэлIапIэхэм я щоджэнхэм, Кисловодск члисэ округым и екIуэлIапIэхэм я щоджэнхэм благочиннэ щоджэн нэхъыжь Знаменский Иоанн я пашэу. Къардэн къулыкъур иригъэкIуэкIащ къардэн нэхъыжь Кубэ Димиртий.
ТхьэлъэIу нэужьым Пастыр нэхъыщхьэм фIэщхъуныгъэ зиIэхэм захуигъэзащ узэщIыныгъэкIэ. «Абы и щхьэгъусэр фIэкIуэдами, и Iыхьлыхэм япэIэщIэ хъуами игу хэщIакъым, нэгъуэщIхэм къабгъэдэкI жагъуэ куэд и гум дигъэхуащ, ауэ псоми ядэIэпыкъуащ. Ксения фIэщхъуныгъэ быдэ иIащ икIи Тхьэм и пащхьэм цIыху пэжу ихьэжащ. Аращ ди лъэпкъым щихъыр фIыуэ щIилъагъур икIи и гуныкъуэгъуэхэмрэ тхьэлъэIухэмрэ щIрихьэлIэр», - зэхуэсахэм яжриIащ Щоджэн нэхъыжьым.
ИужькIэ щихънагъым игъэнэхуащ члисэм папщIэ тхьэнапэщIэр икIи Тхьэм папщIэ бэлыхь куэд зрагъэшэча Пантелеимон и приделым и ухуэныгъэм еплъащ. Иджыпсту ухуэныгъэр и кIэм нагъэс.

Просмотров: 1016

Поделиться