ЩIыналъэ лъапIэм Тхьэ елъэIуну кIуахэр Хевронрэ Вифаниерэ щыIащ

2017 гъэм щэкIуэгъуэм и 8-м, Псыхуабэ епархием и щоджэнхэмрэ Урыс Чристэн Члисэм и екIуэлIапIэхэм я Патриаршэ благочиние Тыркуменистаным щыIэмрэ я мамыр цIыхухэмрэ щIыналъэ лъапIэм Тхьэ елъэIуну зэрыкIуэрэ махуищ щрикъум, япэу Тхьэ щелъэIуащ Хеврон дэт члисэм. ЩIыналъэ лъапIэм Тхьэ елъэIуну кIуахэр щихъ адэжьхэмрэ Тхьэм и Анэмрэ я теплъэхэм деж Тхьэ щелъэIуащ. ЩIыналъэ лъапIэм Тхьэ елъэIуну кIуахэр чэщанэм дэкIуеящ, архимандрит Антонин (Капустин) и цIэкIэ яухуам. ИтIанэ ахэр Мамврийскэ жыгымкIэ ехыжащ. Абдеж Псыхуабэ, Черкесск щIыналъэхэм я щихънагъ Феофилакт ХъыбарыфIхэр зэрыт тхылъым щыщ пычыгъуэ къыщеджащ. ЩIыналъэ лъапIэм Тхьэ елъэIуну щыкIуа махуэ ещанэм Вифлеем Христос и члисэм щыIащ. ЩIыналъэ ЛъапIэм тхьэ елъэIуну кIуахэр Вифлеем Тхьэм и Анэм и теплъэ щыIэм деж Тхьэ щелъэIуащ, Инджылым къеджащ, махуэшхуэ уэрэдхэр ягъэзэщIащ. Апхуэдэу ахэр щыIащ ХъыбарыфхIэр зэрыт тхылъ лъапIэр зэзыдзэкIа
Стридонтский Иероним и скульптурэ теплъэм деж.

КъыкIэлъыкIуэу ахэр кIуащ Вифанием. Четверодневный Лазарь и бэным деж щихънагъ Феофилакт Инджылым къыщеджащ. ИужькIэ щIыналъэ лъапIэм Тхьэ елъэIуну кIуахэр бэным и бгъуэнщIагъым кIуащ икIи зыщаплъыхьащ Лазаревскэ чристэн члисэм и утыкум деж.

Просмотров: 841

Поделиться