Егъэджэныгъэ зэпеуэм и къэпщытакIуэхэр Ставрополь щызэхуэсащ

2017 гъэм щэкIуэгъуэм и 3-м Ставрополь и духовнэ семинарием и актовэ пэшым щекIуэкIащ эксперт гупым хэтхэмрэ егъэджакIуэхэмрэ я семинар. Семинарым и унафэщIыр – зэпеуэм жэуап зыхь и секретарь, зэхыхьэхэмрэ дин щIэныгъэмрэ ктаехизацэмкIэ Синод къудамэм и зэпеуэхэмрэ я секторым и унафэщI иеромонах Трифон (Умалатов).
Семинарым хэтыну ирагъэблэгъащ егъэджакIуэ 60-м щIигъу. Кавказ Ищхъэрэм дин щIэныгъэмрэ катехизацэмкIэ и Синод къудамэм я унафэщIхэр, Ставрополь крайм егъэджэныгъэмрэ щIалэгъуалэ политикэмкIэ и Министерствэм и лIыкIуэхэр, Кавказ Ищхъэрэм и щIыналъэхэм къикIа егъэджакIуэхэмрэ къэпщытакIуэхэмрэ.
Семинарым и лэжьыгъэм хэтащ Псыхуабэ епархием дин щIэыныгъэмрэ катехизацэмкIэ и къудамэм и унафэщI щоджэн нэхъыжь Фаустов Константин, Къэрэшей-Шэрджэсым щиIэ щIыналъэ къудамэм и унафэщI щоджэн Якушев Александр.
Апхуэдэ семинархэр Урысейм и федеральнэ округхэм 2017 гъэм и кIэух пщIондэ щрагъэкIуэкIынущ.

Просмотров: 243

Поделиться