Щихънагъ нэхъыщхьэ Феофилакт къулыкъур дригъэкIуэкIащ Ашхабад округым и благочиннэм

2017 гъэм бадзэуэгъуэм и 11-м Псыхуабэ, Черкесск щIыналъэхэм я щихънагъ нэхъыщхьэ Феофилакт тхьэлъэIу литургиер щригъэкIуэкIащ Псыхуабэ епархием и унэм и Иверскэ члисэм. Щоджэн нэхъыщхьэм къулыкъур драгъэкIуэкIащ Урыс Чристэн Члисэм и екIуэлIапIэхэм я Патриаршэ благочиние Тыркуменистаным щыIэм и Ашхабад благочиннэм и щоджэн нэхъыжь Копач Иоанн, къардэн Ендовицкий Сергий. Щихънагъ нэхъыщхьэм къулыкъур драгъэкIуэкIыну зэхуэсащ епархием и управленэм и лэжьакIуэхэмрэ Псыхуабэ щыпсэухэмрэ.

Ектении нэужьым Пастыр нэхъыщхьэр Тхьэ елъэIуащ Украинэмрэ КъуэкIыпIэ Гъунэгъумрэ мамырыгъэ щыIэн папщIэ. Литургие нэужьым щихънагъ нэхъыщхьэ Феофилакт фIэщхъуныгъэ зиIэхэм узэщIыныгъэкIэ захуигъэзащ. ЕкIуэлIапIэм щыIэхэр епархием и унэм и пщэфIапIэм щагъэува Iэнэм пэрысу зэпсэлъащ.

Просмотров: 624

Поделиться