Унагъуэр хъумэнымкIэ зэхыхьэм щагъэлъэгъуащ «Анэхэм папщIэ унэ» IуэхущIапIэм и лэжьыгъэр

«Анэхэм папщIэ унэ» АНО-м и унафэщI Рубец Ларисэ хэтащ унагъуэр хъумэнымкIэ Ассоциацэм и III урысейпсо зэхыхьэм и лэжьыгъэм. Зэхуэсыр Москва УФ-м и Жылагъуэ палатэм бадзэуэгъуэм и 10-11-хэм щекIуэкIащ. НКО-м и лIыкIуэ, Урысей псом и унагъуэхэм ядэIэпыкъухэм я зэхуэсыр теухуауэ щытащ «Десятилетие детства» президент стратегием теухуа Iуэху еплъыкIэхэр утыку къихьэным. Рубец Ларисэ Анэхэм папщIэ унэм и лэжьыгъэм теухуауэ къэпсэлъащ, унагъуэ клубым и унэтIыныгъэхэр, щытыкIэ гугъу ихуахэм зэрадэлажьэм тригъэчыныхьу. Зэхыхьэм къыщыпсэлъахэм нэхъыбэу къыхагъэщащ бынунагъуэшхуэхэм я Iуэху зэIумыбзхэр, сабийхэмрэ щIалэгъуалэмрэ я гъэсэныгъэм, унагъуэм и лъапIэныгъэхэр щIэблэм зыхегъэщIэным.

Зэгухьэныгъэр 2015 гъэм къызэрагъэпэщащ сабийм и хуитыныгъэр хъумэнымкIэ УФ-м и Президентым и уполномоченнэ Кузнецовэ Аннэ. Зэхуэсым хыхьэу Кузнецовэ Аннэ абы хэтхэм тIо яIущIащ: зэхыхьэр къыщызэIуахымрэ ар щызэхуащIыжымрэ. Къызэхуэсахэм захуигъэзащ щоджэн нэхъыжь, «Православие и мир» порталым и редакцэ советым и унафэщI, Свято-Тихоновскэ гуманитарнэ университетым и егъэджакIуэ Ильяшенкэ Александр.

ЗэIущIэм хэтхэм я нэхъыбэр Урыс Чристэн Члисэм и  нэIэм щIэт унагъуэхэм щадэIэпыкъу центрхэм ящыщт. Зэхыхьэм и хьэщIэ лъапIэ хъуащ Ивановэ къалэм и «Колыбель» центрым и унафэщIыр. Мы гъэм центрыр илъэс 15 ирикъуащ.

Апхуэдэу Псыхуабэ епархием и лIыкIуэр хэтащ «Унагъуэ» лэжьакIуэ гупым и стратегие сессием. Абы и темэр: ''Направления работы "Дома для мамы" и

организация взаимоподдержки многодетных семей на базе кризисного центра''. Иджыпсту епархием и кризис центрым и нэхъыбапIэр бынунагъуэшхуэщ.

Просмотров: 633

Поделиться